martes, 1 de decembro de 2015

Un paxaro diurno que podes escoitar nas noites de outono en Lugo

Aínda que estamos afeitos a ver aves durante o día, tamén pola noite se pode detectar a presencia dalgunha delas na cidade de Lugo.

Non é difícil escoitar a avelaiona nalgunha das carballeiras engulidas pola cidade na súa expansión cara o río Miño, ou algunha avenoiteira emitindo o seu incansable reclamo nas noites calorosas do verán.

Pero nesta ocasión vouche presentar unha ave diurna que eu escoito con frecuencia nas noites do mes de novembro mentres se despraza en bandadas durante a migración que realiza para pasar o inverno nas zonas menos frías de Europa.

Trátase do Tordo rubio, un paxaro da mesma familia que os tan familiares merlos.
O de rubio venlle pola mancha desa cor que ten na parte inferior das alas e nos flancos. Esa mesma cor dalle nome noutras línguas como Zorzal alirrojo, Tord ala-roig, Tordo-ruivo, Redwing, Rotdrossel ...

Durante o día pódelo observar comendo miñocas nos campos abertos que hai no parque da Tolda, na beira do Miño, e de noite escoitase, se o barullo dos coches o permite, como un suave "siiiip" que soa por riba de ti no medio do ceo escuro.

Unha infografía do tordo rubio ou zorzal alirrojo
O tordo rubio é un visitante invernal en Lugo



Infografía VenVeraVes sobre foto de: «Redwing Turdus iliacus» por Andreas Trepte - Trabajo propio. Disponible bajo la licencia CC BY-SA 2.5 vía Wikimedia Commons.

Ven Ver aVes

Xoán Puente

Son guía de Sendeirismo Ornitolóxico. A miña misión é axudar a persoas amantes da natureza a mellorar o seu benestar a través da observación de aves en liberdade . Considero que o contacto coa natureza é vital para o teu desenvolvemento pleno e necesario para que desconectes do estrés da túa vida cotiá

1 comentarios :

  1. Greetings from California! I'm bored to tears at work so I decided to browse your website on my iphone during lunch break. I really like the info you present here and can't wait to take a look when I get home. I'm shocked at how fast your blog loaded on my phone .. I'm not even using WIFI, just 3G .. Anyways, wonderful site! yahoo mail sign in

    ResponderEliminar